शेवयांची खीर

इंग्लिशमध्ये शेवयांची खीर   

वाढणी: ३ माणसांसाठी 

वेळ: १/२ तास

साहित्य:
१/२ कप शेवया 
४ कप दूध 
१/२ कप साखर
१ टीस्पून तूप 
१ टेस्पून वेलची पूड
२ टेस्पून बदाम व पिस्त्याचे पातळ काप 

कृती:

1. बदाम २ तास आधी पाण्यात भिजवून त्याची साले काढून पातळ काप करून घ्यावेत. पिस्त्याचे काप करून घ्यावेत. 
2. कढई गरम करून त्यात तूप घालावे. पातळ झाले की त्यात शेवया गुलाबी रंगाच्या होईपर्यंत भाजून बाजूला काढून ठेवाव्यात.   
3. त्याच कढईमध्ये दूध गरम करून उकळी आल्यावर त्यात भाजलेल्या शेवया, साखर आणि वेलचीपूड घालावी.
4. मध्यम आचेवर झाकण ठेवून शेवया शिजू दयाव्या. मध्येमध्ये झाकण काढून ढवळावे.
5. दूध चांगले आटले व शेवया व्यवस्थित शिजल्या की गॅस बंद करून थंड करण्यास ठेवावी.
6. बदाम पिस्त्याचे काप घालून सजवावे व थंडगार सर्व्ह करावी.