कोलंबी मसाला

इंग्लिशमध्ये कोलंबी मसाला 

वाढणी: २ जणांसाठी  

वेळ: १ तास 

साहित्य:
१/४ किलो सोललेली कोलंबी 

रश्श्यासाठी:  
१ मध्यम बारीक कापलेला कांदा
१/२ टीस्पून हळद
१ टेबलस्पून लाल तिखट  
६ टेस्पून पाण्यात भिजवलेले ३ कोकम
मीठ

वाटणासाठी: 
१ मध्यम कापलेला कांदा
१/४ कप किसलेले सुके खोबरे 
४-५ लवंगा
१ इंच दालचिनीचा तुकडा
१ टेबलस्पून धणे
२-३ लसूण पाकळ्या
२ वेलदोडे
१ टीस्पून बडीशेप 
१ कप पाणी  
तेल 

कृती:

1. प्रत्येक कोलंबीचा धागा काढून थोडासा मीठ आणि पाण्याने नीट धुवून घ्या.
2. कढईमध्ये २ चमचे तेल गरम करून त्यात कांदा २-३ मिनिटांसाठी परतून घ्या.
3. मग त्यात लवंगा, दालचिनी, धणे, लसूण, वेलदोडे व बडीशेप घालून कांदा ब्राऊन होईपर्यंत परतून घ्या.
4. सुके खोबरे घालून ते ब्राऊन होईपर्यंत परतून घ्या. 
5. गॅस बंद करून मिश्रण थंड होण्यासाठी ठेवून दयावे.
6. थंड झाल्यावर १/२ कप पाणी घालून मिक्सरमध्ये बारीक पेस्ट वाटून घ्यावी.
7. कढईमध्ये २ चमचे तेल गरम करून त्यात बारीक कापलेला कांदा पारदर्शक होईपर्यंत परतून घ्या .
8. नंतर त्यात हळद, लाल तिखट, पेस्ट आणि मीठ घालून मिश्रण एकजीव करून घ्या.
9. ५ मिनिटांनी, १/२ कप पाणी घालून मिश्रणाला उकळी आणा.
10. कोलंबी व कोकमाचे पाणी घालून झाकण ठेवून ७-८ मिनिटे शिजवा.
11. कोलंबी मसाला तयार आहे. 
12. पोळी किंवा भाताबरोबर सर्व्ह  करा.