कोल्हापूरी मिसळ पाव

इंग्लिशमध्ये कोल्हापूरी मिसळ पाव 

वाढणी: २ माणसांसाठी 

वेळ: १ तास 

साहित्य:
८ लादी पाव 

कटासाठी:

१/४ कप मटकी

१ मध्यम बारीक कापलेला कांदा

१ छोटा बारीक कापलेला टोमॅटो 

३-४ लसूण पाकळ्या

१ इंच आल्याचा तुकडा

२-३ काळी मिरी

१ इंच दालचिनीचा तुकडा

२-३ लवंगा 

१ तमालपत्र

१ टेबलस्पून जिरे

१ टेबलस्पून धणे      

१/४ कप किसलेले सुके खोबरे 

१/२ कप पाणी
मीठ

तेल 

फोडणीसाठी: 
१ टीस्पून हळद
१  चुटकी हिंग    
१ टेबलस्पून गरम मसाला 
४ टेबलस्पून लाल तिखट   

सजावटीसाठी:

१/२ कप फरसाण 

बारीक कापलेला कांदा

लिंबू 

कृती:

1. मटकी रात्रभर पाण्यात भिजत घालावी.
2. सकाळी त्यातील पाणी काढून टाकून सुती कापडामध्ये गुंडाळावे. बारीक खडे किंवा कडक मटकी असेल तर निवडून काढून टाकावी. घट्ट गाठ बांधून किमान ८ तास ठेवून दयावी.
3. मोड आलेली मटकी कुकरमध्ये २ शिट्ट्या करून शिजवून घ्यावी.
4. मिक्सरमध्ये लसूण, आले, काळी मिरी, दालचिनी, लवंगा, तमालपत्र, जिरे व धणे घालून एकत्र वाटून घ्यावे.           
5. आता कढईमध्ये ४-५ चमचे तेल गरम करून पेस्ट छान परतून घ्यावी.
6. मसाल्याचा छान वास सुटला की त्यात कापलेला कांदा व टोमॅटो घालून मिश्रण एकजीव होईपर्यंत परतावे.    
7. नंतर किसलेले खोबरे घालून परतावे.
8. मिश्रणाला तेल सुटायला लागले की गॅस बंद करून मिश्रण थंड होण्यासाठी ठेवून दयावे.
9. थंड झाल्यावर १ कप पाणी घालून मिक्सरमध्ये बारीक पेस्ट वाटून घ्यावी.
10. कढईमध्ये ४-५ चमचे तेल गरम करा.
11. त्यात हळद, हिंग, गरम मसाला आणि लाल तिखट टाकून फोडणी दया.
12. मग पेस्ट आणि  मीठ घालून मिश्रण एकजीव करून घ्या.
13. उकडलेली मटकी आणि १/२ कप पाणी घालून मिश्रणाला उकळी आणा.
14. मिसळ तयार आहे. 
15. प्लेटमध्ये प्रथम मटकी, मग फरसाण, कट, बारीक कापलेला कांदा आणि शेवटी लिंबाची फोड वाढा.
16. लादीपावाबरोबर गरमगरम सर्व्ह  करा.