चिकन झटका

इंग्लिशमध्ये चिकन झटका

वाढणी: ४ माणसांसाठी 

वेळ: ४ तास (र्मरीनेशनचा वेळ पकडून)   

साहित्य:
१ किलो गोदरेज रिअल गुड चिकन
५-६ लवंगा
४-५ काळी मिरीचे दाणे 
१ इंच दालचिनीचा तुकडा
४ वेलदोडे
३-४ तेजपत्त्याची पाने 
१ टीस्पून आले लसूण पेस्ट 
१ टीस्पून एव्हरेस्ट चिकन मसाला
४ टेबलस्पून तूप    

मिरची पेस्टसाठी:
१५ सुक्या लाल मिरच्या
२ टीस्पून धणे
८ लसूण पाकळ्या
१/४ कप पाणी 

र्मरीनेशनसाठी:  
४ टीस्पून दही
१ कांद्याची पेस्ट
१ टीस्पून हळद
१ टेबलस्पून लाल तिखट
२ थेंब लिंबाचा रस
मीठ

सजावटीसाठी:

बारीक कापलेली कोथिंबीर 

कृती:

1. १/४ कप पाण्यात १० मिरच्या तासभर भिजत ठेवाव्या. 
2. नंतर त्यात धणे व लसूण पाकळ्या घालून मिक्सरमध्ये बारीक पेस्ट वाटून घ्यावी. 
3. दह्यामध्ये २ टेबलस्पून कांद्याची पेस्ट, १/२ टीस्पून हळद, १/२ टेबलस्पून लाल तिखट, लिंबाचा रस, मिरच्यांची पेस्ट व चवीप्रमाणे मीठ घालून त्यात चिकन २ तास र्मरीनेट करत ठेवावे. १ टीस्पून मिरच्यांची पेस्ट बाजूला ठेवून दयावी. 
4. कढईमध्ये तूप गरम करून त्यात लवंगा, काळी मिरीचे दाणे, दालचिनी, वेलदोडे व तेजपत्त्याची पाने घालून छान परतून घ्यावे.        
5. मसाल्याचा छान वास सुटला की त्यात उरलेली कांद्याची पेस्ट घालून परतावे.
6. नंतर त्यात ५ अख्ख्या मिरच्या, आले लसूण पेस्ट, १/२ टीस्पून हळद, १/२ टेबलस्पून लाल तिखट, एव्हरेस्ट चिकन मसाला व १ टीस्पून मिरच्यांची पेस्ट घालून तूप सुटेपर्यंत परतावे.
7. त्यात र्मरीनेट केलेले चिकनचे तुकडे टाकून व्यवस्थित वर खाली परतून घ्यावे.
8. झाकण ठेवून मध्यम आचेवर चिकन १५-२० मिनिटे शिजू दयावे.
9. उरलेले र्मरीनेशनचे मिश्रण, चवीप्रमाणे मीठ व १ कप पाणी घालून मिश्रणाला उकळी आणावी.
10. चिकन झटका तयार आहे. 
11. कोथिंबीर घालून पोळी किंवा भाताबरोबर सर्व्ह  करा.